سبحان الله
كل مرة جذيه
عمري ما اشتانست بإجازة
خبركم الجواري اللي كتبت عنها وانا والربع كل يوم انشاءالله في رمضان؟؟
تصدقون طلعنا 5 مرات بس .. وانا انتظرت لين تبدي إجازتي بآخر اسبوعين من رمضان عشان ما يكون راي شغل وآخذ راحتي بهوايتي المفضله
ثاني يوم من رمضان بدت اعراض الفلونزا .. قلنا ميخالف كلها اسبوع واطيب بإذن الله
مع ان فيدي بوادر الفلونزا الا اني طلعت بالقاري مع الشباب
المهم .. اليوم والحمدلله طبت من الفلونزا .. وتزامن مع بداية اجازتي تقريبًا .. بلشت اجازة يوم السبت بس كنت خلاص بنهاية المرض
واليوم .. الأحد المشؤوم ... من الصبح قاعد وبكامل صحتي والحمدلله وادز اس ام اس يا شباب اليوم العشاء على بدر وبعدها قواري بال11 انشاءالله
طبعًا كيفي العشاء على بدر :/
المهم .. وتصير الساعة 9 .. ويوصل صديقي الدكتور (ف) وينطرني انزله
وبدر داز مسج يعتذر .. وين ابتنحاش من العشاء يا ولد :) وراك وراك ... يوقول باجر انشاءالله اليوم مشغول .. عذرناه ومشينا بدون قواري بالسيارة نتعشى
وفجأة
عبدالله : اجول (ف) .. ترى حايشني عوار ببطني مو طبيعي .. بقة جارصتني اعتقد بس وايد اورمت
دكتور (ف) : خل اشوف .. وبعد ما وريته .... لا عبيييد ... هذا ما ينسكت عنه .. كأنه جيس دهن وملتهبه ..
عاد انا اخترعت لأني آخر مرة شفتها كانت واااااااايد اخف
ونتوجه للمستشفى
طبعًا بعد ما يا دوري دخلت انا وصاحبي .. وشافها الدكتور وحولني على الجراحة
ورحت الجراحة وعلى ما يا دوري
دشيت مع صاحبي بحكم انه دكتور سنه سابعه
وتبدأ العملية بدون تفاصيل لأنها موجعه
النهاية انا الحين طريح الفراش لمدة لا تقل عن 8 ايام ولازم اروح كل يوم اغير الجرح
والله المستعان .. وهكذا تبدأ اجازتي
_-_-_-_-_
عشان ما تلوع جبودكم صغرت الصورة كثر ما قدرت هيهي :/ه
10/08/2006 5:41 PM
الله يالبدليات !!! حوبت كويتية وسمايل والله!! مالي خلق اصلحهم تعبان .. اي استفسار عن بدلية انا حاضر ارد عليكم على طول
10/08/2006 11:35 PM
33eeeen ma salat 3alnibi
3ad ana o filmgirl metablinlik 3alba7ar
thak elyoom sheftkoom o bageet ad3am o ana altift bas ma midany ashofik
ma teshoof shar yoobbaa o sahala chees dihen mako ela el3afia
6ahooor enshalla
10/09/2006 12:57 AM
Salmmaaaaaaaaaat , kha6ak elsoo :)
lol mn sha6etiiikk 6a3 sh9ar :p
7ata ana 3nde 13 baga b my right leg !!!!! bamot 9arlhum esbo3 ;/
mashkor 3ala mura3at masha3erna o t9gher il9oora ;p
youll b back on the track ba3ad 5 days , matwq3ik ta9ber;p
10/09/2006 4:51 AM
وعليييييه عليك... سلامتك وما تشوف شر
عين!! عين ما صلت عالنبي
10/09/2006 9:50 AM
ما تشوف شر
والله كسرت خاطري!!
سلامات :>
10/09/2006 3:35 PM
سلاماااات ما تشوف شر انشالله اجر وعافية
وعلى الانفلونزا ترى الكل مراضى الحين وانا وحده منهم هههيي الجو ياخي متقلب مو شي =\
خطاك السو =)
10/09/2006 5:11 PM
خطاااك السو
أجر و عافية
xD
10/09/2006 9:32 PM
مشكورين وما قصرتوا .. عسى الله يبعد عنكم المصائب اجمعين
10/10/2006 4:27 PM
salamaaaat matshoof shar inshallah tgoom bilsalama soon :**
10/12/2006 9:07 AM
@@
سلامااااااااااات ما تشوف شر توني ادري !!!
تقوم بالسلامة ان شاء الله اهم شيء صحتك...:)
10/14/2006 3:43 AM
خطاك السوء من الافلونزا وماتشوف شر وسلامات على العمليه السريعه وانشالله تقوم بالسلامه وتستاهل بوكيه ورد :)
اخوك :q8_boy